Partners with Nunavummiut in preserving culture and nurturing literacy.

Piliriakhait uumingalu Hunakkutaarutait: Ilua-Makpiraaqarvik Atukkiutinit

Piqanngitkumi, pidjutiginiartaffi!

Makpiraaqarvitit piqanngitkumiuk atuqtakhamik piyumayainnik, atukkiutilaartaqqut ahinit makpiraaqarvingmi Nunavunmi, uvani Nunattiarmi Makpiraaqarvianni uvaniluniit ahinit makpiraaqarvik Kanatami. Kihimi makpiraaq hanahimannirumi ukiunganut, NPLS ihumaliurnairait aquiqtulaaqhutik apiridjutainnut.

Apiqquutiqarniruffi

Makpiraaqarvik QUYAGINNAQ pilaaqqat?
Kihiani nakuurpiartumik pivigivakhuta, ilaani nalunarmallu pigiakhat aturumayunit. Hapkuat ilaliutiqartut hapkuninga naalaktakhautait qunniagaktakhautiniklu (qunniagakhat, naalaktakhat, siitiiniklu) ahinit hilataanit Nunavunmi Nunattiarmilu, makpiraat turaarvikhait iluani makpiraaqarvianni, makpiraallu Kanatamiuttaunngituni nayurpagvikhait uvani Kanatami Makpiraaqarvik Kanatap qaritauyakkut tuhagakhainik katiqhuirviinit.
Qanuq apirittaartunga iluanimakpiraaqarvit atugakhait?
Nunamiitkuvit makpiraaqarviqarumi, pulaarlugit makpiraaqarvivit ilaliutilugillu naunaittiarumaguvit qanurrittuni makpiraarmik naunaiqhilutit makpiraaliriyiinut. Hapkuat naunaiqhiyumaguvit ilaliutihimalugit:
  • Makpiraarliurtaa
  • Tiliutaa
  • Huqpani makpiraarliuqhimayaa: ublua, kiali makpiraarliuqhimayaa, titiraqhimayaa
Makpiraaliriyi ikayurniaraatit kimulli pivalliagiangani aturumaguvit iluamakpiraaqarvingnit atukkiutinigut. Apiqqutiinnarialik pingahuannik makpiraarmik aturumaguvit atauttimut.
Nalunaiqhimalugit: Nunalingniitkuvit makpiraaqanngittuni, titirartaugiaqaliqqutit atukkiutiyumaguvit naunaiqittaaqhutit uumingat atukkiutiniq-titiraqarvikkut. Titiraqtaarungni naunaiqhiniq, titirarvigiinnarialik apiqquutit uvunga Sarah Sevoga uvani NPLS Havagviatuqqainnut Qamanittuarmi.
Hivayautaa: 867-973-3351
Kayumiktukkut: 867-973-3360
Qaritauyakkut: ssevoga@gov.nu.ca
Akiliakhaqaqqaa haffumingat aturiamingni?
Tamainnut makpiraaqarvitigut Nunavunmi, hapkuat aturumagungni akiittut. Kihimi Nunavunmi Makpiraaqarviit akiliakhaqanngittut, ilangit ikiliakhat pivakhutik. Apiqquutait iluani Aviktuqhimayumi mikiyumik akiliakhautiqarpakhutik atauhiq havaktinut akiliakhait titiraqarvikkut akikhaitalu. Akiliqtuivakhutik avatquttumi tian taalanik $10 akiliqtuivagait atukkiutitigut makpiraaqarvik tuniyauvagait atukkirtunut. Tuulliirtaugumik himmauhirumikluniit tammarumik makpiraaq akikhait tamait makpiraaqarvingnurnapakhutik atukkirtunut. Atukkirtut akiliakhaqaqqat NPLS atukkiutilimaiqhutik makpiraarnik. Iluanimakpiraaqarvik makpiraangutai tammarumik aliktaugumikluniit, himmauhikhainnit apiriniartaffi akiliakhaa atukkiutiguvit makpiraaqarvingmit.
Qanuq takimut pigiaqaqqa?
Ilaani pigiaqarpaktut ukuninga qulinit ublungani pingahunik tatqiqhiutigut apirigungni taamna makpiraaq aturumayatit, humilikiaq humingaarumik makpiraaq ittuni, tamaita iluanimakpiraaqarvit atuqtakhait titiraqarvikkuurpakkamik. Tamatkiutait iluanimakpiraaqarvik atukkiqhimayatit tikiqattarpakkamik arvinilik Santinguqikpat tikiqattaramik. Apiriyumaguvit, nalunaipkadjavaqhi uvaptingnut taimaa aturumayaangani.
Qanuq naunairniarama tikitkumi aqquiqtuara?
Nunalingniitkuvit makpiraaqarviqarnirmi, makpiraaliriyi naunaiqhiniaraatit, taamna aquiqtuatit pihimaniaraa aikhiinnariaqartatit makpiraaqarvingmi angmaraangami kihiani. Atukkiutiguvit titiraqarvikkut, taamna aquiqtuatit titiraqarvikkuurniartuq tuyuqtauniartutit makpiraarnik, naunaiqhittarniaraatit titirarviginiaraatit akiliakhaa makpiraap iluliqangniaqhuni akiliqhimaittumik ilingnit.
Qanuq pihimayaaqartara makpiraarutiga?
Nalunaiqhiniaraatit qanuq pihimagiakhaita makpiraarutik atuqtatit makpiraaqarvik naunaipkainiaraatit titirakkut. Utiffaarniarungni makpiraaq titiraqhimaniartuq qakugu utiqunani tuyuqtauguvit makpiraaliriyi naunaipkarniaraatit titiraqhimaniaqhunilu. Taamna atukkiutihimayat pihimaraarumagungni, Qamanittuarmut makpiraaliriyiinut hivayainnariaqaqtatit Havagiannut atukkiutihimagungni taimaa atuffaariamingni makpiraatit. Ihumagiyakhatit tahapkuat aturtatit makpiraat utirtittaartatit utirvikhaa nalaumakpat. Nunavunmi Makpiraaqarvik apirittaaqhimayait ahinit. Utiffaangitkumi utirvikhaa ublunganit akiliqtaugiaqangniarapta atukkiutihimagapta makpiraaqarvingmit ahinit.