Partners with Nunavummiut in preserving culture and nurturing literacy.

ᓄᓇᕗᒻᒥ ᐅᖃᓕᒫᒐᖃᕐᕖᑦ ᒥᒃᓵᓄᑦ

ᐅᖃᓕᒫᒐᖃᕐᕖᑦ ᓄᓇᕗᒻᒥ ᐊᐅᓚᑕᐅᔪᑦ ᓄᓇᓕᒻᒥ ᑐᓂᓯᓂᒃᑯᑦ ᐊᖏᕈᑎᒃᑯᑦ ᓄᓇᕗᒻᒥ ᐃᓄᓐᓄᑦ ᐃᖃᓕᒫᒐᕐᓂ ᐱᔨᑦᑎᖅᑏᑦ (NPLS), ᑲᒪᒋᔭᖓᑦ ᓄᓇᕗᑦ ᒐᕙᒪᒃᑯᑦ ᐱᖅᑯᓯᓕᕆᔨᒃᑯᑦ, ᐅᖃᐅᓯᓕᕆᔨᒃᑯᑦ, ᐃᓐᓇᑐᖃᓕᕆᔨᒃᑯᑦ ᐊᒻᒪ ᒪᒃᑯᑦᑐᓕᕆᔨᒃᑯᑦ. ᐊᐅᓚᑕᐅᔪᖅ ᒐᕙᒪᒃᑯᓐᓂᑦ, ᓄᓇᕗᒻᒥ ᐅᖃᓕᒫᒐᖃᕐᕖᑦ ᐊᔾᔨᒌᖏᑦᑐᑦ ᐱᓕᕆᐊᖏᑦ ᐊᒻᒪ ᑭᓱᓕᕆᔾᔪᑎᖏᑦ ᓄᓇᓕᐅᔪᓂᑦ, ᑐᓐᖓᓂᖃᖅᑐᑦ ᐱᔭᕆᐊᖃᖅᑕᖏᓐᓂ ᐊᒻᒪ ᑐᕌᖅᑕᖏᑦ ᓇᓗᓇᐃᖅᑕᐅᓯᒪᔪᑦ ᓄᓇᓕᒻᒥ ᐃᓄᒻᒧᑦ ᑎᒥᐅᔪᒧᓪᓘᓐᓃᑦ.

ᐅᖃᓕᒫᒐᖃᕐᕕᒃ ᓄᓇᓕᒻᒧᑦ ᐃᑲᔪᖅᑕᐅᔭᕆᐊᖃᓪᓚᕆᑦᑐᖅ, ᐊᔾᔨᒌᖏᑐᑦᑕᐅᖅ ᑮᓇᐅᔭᖃᖅᑎᑦᑎᔪᓐᓇᖅᑐᑦ ᐊᑐᐃᓐᓇᐅᔪᑦ ᑮᓇᐅᔭᓕᐅᖏᑦᑐᓄᑦ ᑎᒥᐅᔪᓄᑦ, ᐱᓕᕆᕕᓐᓄᑦ ᐊᑭᓕᖅᑕᐅᔪᑦ, ᒐᕙᒪᒃᑯᑦ ᐱᓕᕆᐊᖏᑦ, ᐊᒻᒪ ᒐᕙᒪᒃᑯᓃᖔᖏᑦᑐᑦ ᑎᒥᐅᔪᑦ. NPLS ᓇᓗᓇᐃᖅᓯᔪᒪᔪᑦ ᐅᑯᓂᖓ ᑎᒥᐅᔪᓂᑦ ᐃᑲᔪᖅᑐᐃᓂᖏᓐᓄᑦ ᐅᖃᓕᒫᒐᖃᕐᕖᑦ ᐱᓕᕆᐊᖏᓐᓂ ᐊᒻᒪ ᑐᕌᖅᑕᖏᓐᓂ ᓄᓇᕗᒻᒥ:

ᓄᓇᕗᒻᒥ ᐅᖃᓕᒫᖃᕐᕕᓕᕆᔩᑦ ᐊᖏᔪᖅᑳᑲᖅᕕᖓ ᐊᒻᒪ ᐊᐅᓪᓚᑎᑦᑎᕕᖓ

ᐊᖏᔪᖅᑳᖃᖅᕕᖓ ᐊᑐᐊᒐᕐᓂᑦ ᑐᑭᒧᐊᖅᑎᑦᑎᔪᑦ ᐊᒻᒪᓗᑦᑕᐅᖅ ᑮᓇᐅᔭᓕᕆᓂᑦᑎᒍᑦ, ᒪᑭᒪᐅᑏᑦ ᐊᒻᒪ ᐊᐅᓚᔾᔪᑏᑦ ᐃᑲᔪᕐᓂᖃᖅᑐᑦ ᐅᖃᓕᒫᒐᖃᕐᕕᓂᑦ ᓄᓇᕗᒻᒥ. ᐱᔨᑦᑎᕈᑏᑦ ᐊᑐᐃᓐᓇᐅᔪᑦ ᓄᓇᕗᒻᒥᐅᑕᓄᑦ ᓄᓇᕗᓕᒫᒥᑦ, ᐱᖃᓯᐅᔾᔨᔪ ᐊᑐᖅᑐᐊᕐᓂᖅ ᑎᑎᖃᒃᑯᑎᒍᑦ ᐱᓕᕆᐊᖅ, ᑐᕌᖓᓗᐊᖅᑐᑦ ᓄᓇᓕᒻᒥᐅᑕᓄᑦ ᐅᖃᓕᒫᒐᖃᕐᕕᖃᖏᑦᑐᓄᑦ, ᐅᖃᓕᒫᒐᖃᕐᕖᑦ ᐊᑐᖅᑐᐊᖃᑦᑕᐅᑎᑦᓃᑦ, ᐊᒻᒪ ᖃᕋᓴᐅᔭᒃᑯᑦ ᑎᑭᓵᒃᓴᐃᑦ ᐅᖃᓕᒫᒐᖃᕐᕕᒻᒥᑦ (Nunavut Libraries Online - www.nunavutlibcat.nu.ca), ᐊᐅᓚᑕᐅᔪᑦ ᐊᖏᔪᖅᑳᖃᖅᕕᐅᔪᓂ. NPLS ᐊᖏᔪᖅᑳᖃᖅᕕᖓ ᑭᕙᓪᓕᒦᑦᑐᖅ ᓄᓇᓕᐅᔪᒥᑦ ᖃᒪᓂᑦᑐᐊᖅ (ᖃᒪᓂ'ᑐᐊᖅ).

ᓄᓇᕗᒻᒥ ᐅᖃᓕᒫᒐᖃᕐᕕᓕᕆᔩᑦ ᐃᖅᑲᓇᐃᔭᖅᑎᖏᑦ:

ᕌᓐ ᓅᓕᖕ
ᐊᖏᔪᖅᑳᖅ ()
ᕌᓐ ᑲᒪᒋᔭᖃᖅᑐᖅ ᐸᕐᓇᐃᓂᕐᒥᑦ, ᓴᖅᑭᔮᖅᑎᑦᑎᓂᕐᒥᑦ ᐊᒻᒪ ᑐᑭᒧᐊᖅᑎᑦᑎᓂᕐᒥᑦ ᐅᖃᓕᒫᒐᖃᕐᕕᓐᓂᑦ ᐱᔨᑦᑎᖅᑕᓂᑦ. ᓴᖅᑭᑎᑦᑎᕙᑦᑐᖅ ᐊᑐᐊᒐᕐᓂᑦ, ᐸᕐᓇᑕᐅᔪᓂᑦ ᐊᒻᒪ ᑐᕋᖅᑕᐅᔪᓂᑦ NPLS-ᑯᓐᓄᑦ ᐊᒻᒪ ᑲᒪᒋᔭᖃᖅᑐᖅ ᓯᐊᒪᖅᑕᐅᓂᖏᓐᓄᑦ ᑮᓇᐅᔭᐃᑦ ᐊᑐᐃᓐᓇᐅᔪᑦ NPLS.
ᓲ ᒪᒃᐊᐃᓴᒃ
ᓄᓇᓕᒻᒥ ᐱᔨᑦᑎᖅᑕᓂᑦ ᐅᖃᓕᒫᒐᖃᖅᕕᓕᕆᔨ ()
ᓲ ᐅᖃᐅᔨᒋᐊᖅᐸᑦᑐᖅ, ᐃᑲᔪᖅᑐᓂ, ᐃᑲᔪᕐᓂᖅ, ᐊᒻᒪ ᐃᓕᓐᓂᐊᑎᑦᑎᓂᕐᒥ ᓄᓇᓕᓕᒫᓂᑦ ᐅᖃᓕᒫᒐᖃᖅᕕᓕᕆᔨᓂᑦ ᐱᓕᕆᐊᖏᓐᓄᑦ ᐊᐅᓚᑦᑎᓂᕐᒥᑦ ᐊᒻᒪ ᓴᖅᑭᑎᑦᑎᓂᕐᒥᑦ. ᑲᒪᒋᔭᖃᖅᑐᖅ ᓴᖅᑭᔮᖅᑎᑦᑎᓂᕐᒥᑦ ᑎᑎᕋᕆᐅᖅᓴᓂᕐᒧᑦ ᐅᖃᓕᒫᕆᐅᖅᓴᓂᕐᒧᑦ ᐊᒻᒪ ᑲᒪᒋᔭᖃᖅᑐᖅ ᓄᐊᑕᐅᔪᓂᑦ ᐱᕙᓪᓕᐊᑎᑦᑎᓂᕐᒥᑦ ᐅᖃᓕᒫᒐᖃᖅᕕᓕᒫᓄᑦ ᓄᓇᕗᒻᒥ.
ᐅᐃᖕᔩ (ᑭᐊᓐ) ᓲ
ᖃᕋᓴᐅᔭᓕᕆᔨ ᐅᖃᓕᒫᒐᖃᖅᕕᓕᕆᔨ ()
ᑭᐊᓐ ᑲᒪᒋᔭᖃᖅᑐᖅ ᖃᕋᓴᐅᔭᓕᕆᓂᕐᒥᑦ ᐸᕐᓇᐃᓂᕐᒥᑦ ᐃᑲᔪᖅᓯᓂᕐᒥᑦ ᐃᖅᑲᓇᐃᔭᖅᑎᓂᑦ ᐊᒻᒪ ᐃᓄᓐᓂᑦ ᖃᕋᓴᐅᔭᓕᕆᓂᕐᒥᑦ ᐅᖃᓕᒫᒐᖃᕐᕕᓂᑦ ᓄᓇᓕᓐᓂ. ᐊᐅᓚᑦᑎᕙᒻᒥᔪᖅ Virtua ᖃᕋᓴᐅᔭᒃᑯᑦ ᐅᖃᓕᒫᒐᖃᕐᕕᓕᕆᔾᔪᑏᑦ ᐱᖃᓯᐅᔾᔨᔪᑦ ᓄᓇᕗᒻᒥ ᐅᖃᓕᒫᒐᖃᕐᕖᑦ ᖃᕋᓴᐅᔭᒃᑰᕈᑎᒃᑯᑦ, ᖃᕋᓴᐅᔭᒃᑯᑦ ᑎᑭᓴᐃᕕᒃ ᐅᖃᓕᒫᒐᕐᓂᑦ ᐊᒻᒪ ᑕᕐᕆᔮᒃᓴᓂᑦ.
ᓘᓯ ᓇᐃᔪ
ᑐᓐᖓᓱᑦᑎᑦᑎᔨ/ᑎᑎᕋᖅᑎ ()
ᓘᓯ ᑲᒪᒋᔭᖃᖅᑐᖅ ᐊᓪᓚᕕᓕᕆᓂᕐᒥᑦ ᐊᒻᒪ ᐸᐃᑉᐸᓕᕆᓂᕐᒥᑦ, ᑲᒪᒋᔭᖃᖃᑦᑕᖅᑐᖅ ᑮᓇᐅᔭᓕᕆᓂᕐᒧᑦ ᓇᓗᓇᐃᒃᑯᓯᖅᓱᐃᓂᕐᒥᑦ ᐊᒻᒪ ᑐᖅᑐᖅᑯᑐᐃᕙᑦᑐᖅ ᐊᒻᒪ ᐃᑲᔪᖃᑦᑕᖅᑐᖅ NPLS ᐊᖏᔪᖅᑳᖃᖅᕕᖓᓂ ᑎᑎᖅᑲᓕᕆᓂᕐᒥᑦ.
ᓯᐅᕋ ᓯᕗᒐᒻ
ᐱᔨᑦᑎᖅᑕᓂᑦ ᐃᑲᔪᖅᑎ ()
ᓯᐅᕋ ᑲᒪᒋᔭᖃᖅᑐᖅ ᐱᕙᓪᓕᐊᔭᐅᔪᓂᑦ ᐅᖃᓕᒫᒐᖃᕐᕕᓂᑦ ᓱᓇᒃᑯᑖᖏᓐᓂ, ᐱᖃᓯᐅᔾᔨᔪᑦ ᓇᓗᓇᐃᒃᑯᓯᖅᓱᐃᓂᕐᒥᑦ, ᑲᒪᒋᔭᖃᖅᑐᖅ ᑎᑭᓴᐃᓯᒪᔪᓂᑦ ᐅᖃᓕᒫᒐᕐᓂᑦ, ᐊᑐᖅᑐᐊᕐᓂᖅ ᑎᑎᖅᑲᓂᐊᕐᕕᒃᑯᑦ, ᐊᒻᒪ ᐅᖃᓕᒫᒐᖃᕐᕖᑦ ᐊᑐᖅᑐᐊᖃᑦᑕᐅᑎᓂᖏᑦ ᐱᔨᑦᑎᖅᑕᓂᑦ.