Partners with Nunavummiut in preserving culture and nurturing literacy.

ᐃᓄᑦᑎᑐᑦ ᓇᕿᑦᑕᕈᓐᓇᐅᑏᑦ

ᐊᑐᖃᑦᑕᖅᑮᑦ Prosyl ᐊᓯᖏᓐᓄᓘᓐᓃᑦ ᐃᓄᑦᑎᑑᖅᑐᓂᑦ? ᐊᑐᖃᑦᑕᕈᒪᕖᑦ Unicode ᐃᓄᑦᑎᑑᑦᑐᓂᑦ ᑕᑯᓐᓇᖃᑦᑕᓂᕐᒧᑦ ᐃᓄᑦᑎᑑᖅᑐᓂᑦ? ᑕᔾᕗᖓᑦᑎᐊᖅᑯᑎᑦ.

ᓱᒻᒪᑦ Unicode ᓇᕿᑦᑕᕈᓐᓇᐅᑎᑦ?

ᑕᑯᒥᓇᖅᑑᓪᓗᑎ, Prosyl, ᓈᒪᔪᑦ, ᐊᒻᒪ ᐊᓯᖏᑦ Unicode ᓇᕿᑦᑕᕈᓐᓇᐅᑎᑦ, ᑐᑭᖃᖅᑐᖅ ᐃᒻᒥᑰᖅᑐᑦ ᐊᒻᒪ ᑭᓪᓕᖃᖅᑎᑕᐅᓪᓗᑎᑦ ᐅᓄᖏᑦᑐᓂᑦ ᓇᕿᑦᑕᒐᐅᔪᓂᑦ. ᖃᕋᓴᐅᔭᐅᑉ bytes-ᖏᓐᓂ ᐊᑐᖅᐸᑦᑐᑦ "A" ᑎᑭᑦᑐᒍ "Z" ᓇᕿᑦᑕᕐᕕᖓᓂ ᐊᒻᒪ ᑭᖑᕐᕕᕐᓗᒋᑦ ᐃᓄᑦᑎᑑᖓᔪᓂᑦ. ᐊᓯᐊᓂᑦ ᐱᑕᖃᑦᑲᓂᖏᑦᑐᖅ. ᐱᒋᐊᕐᓂᖅ ᐊᒻᒪ ᐊᓯᖏᑦ Unicode ᓇᕿᑦᑕᕈᓐᓇᐃᑎᑦ ᐱᓯᒪᑦᑎᕙᑦᑐᓪᓕ "A" ᑎᑭᑦᑐᒍ "Z" ᓇᕿᑦᑕᕐᕕᖓᓂᑦ ᐊᒻᒪ ᐃᓚᓯᓪᓗᑎᑦ ᐊᒥᓱᓂᑦ ᓇᑭᑦᑕᖅᑕᐅᔪᓐᓇᖅᑐᓂᑦᐅᖓᑖᒍᑦ ᖁᓛᒍᓪᓗ. Unicode ᓇᕿᑦᑕᕈᓐᓇᐅᑎᑦ ᐊᔾᔨᒋᖏᑎᐊᖅᑕᖓ (ᐊᔪᕐᓇᖏᓐᓂᖅᓴᖅ ᐊᒻᒪ ᐊᒥᓲᓂᖅᓴᐃᑦ) ᑐᑭᖃᖅᑐᖅ ᓇᕿᑦᑕᒐᐅᔪᑦ ᑭᓯᐊᓂᐱᒻᒪᕆᐅᖏᓂᖅᓴᖅ ᑖᓐᓇ Unicode ᓇᕿᑦᑕᕈᓐᓇᐅᑦ fonts ᐊᑕᖐᔪᖅ ᐃᓚᐃᓐᓇᖏᓐᓂᐅᖏᑦᑐᖅ ᐊᒻᒪ ᓇᓗᓇᐃᒃᑯᓯᖅᑕᐅᓯᒪᔪᑦ ᓯᓚᕐᔪᐊᒥᑦ ᐊᑐᖅᑕᐅᒐᔪᑦᑐᓂᑦ ᖃᕋᓴᐅᔭᓕᒫᑦ ᑐᑭᓯᒍᓐᓇᖅᑕᖏᓐᓂ, ᑕᐃᒪᐃᒍᒪᒍᑎ.

ᐊᑐᕐᓂᖅ ᐱᒋᐊᕐᓂᕐᒥᑦ ᖃᕋᓴᐅᔭᒥᑦ ᐊᐅᓚᔾᔪᑎᖃᖅᑐᑦ Microsoft Windows.

ᐊᑐᕐᓂᐊᕈᕕᐅᒃ ᐱᒋᐊᕐᓂᖅ ᐋᖅᑭᖅᑳᕆᐊᖃᖅᑕᐃᑦ ᓇᕿᑦᑕᐅᑎᖓᑕ ᐋᖅᑭᒃᓯᒪᓂᖓ ᖃᕋᓴᐅᔭᕐᐱᑦ. ᐊᔨᐊᒍᑦ ᐋᖅᑭᒃᓯᒪᓂᖓ ᐃᓕᓐᓂᑦ ᐊᑐᕈᓐᓇᑎᑦᑎᔪᖅ ᐊᔾᔨᒌᖏᑦᑐᓂᑦ ᓇᕿᑦᑕᐅᑎᖓᑕ ᐋᖅᑭᒃᓯᒪᓂᖏᑦ ᐊᓯᐊᓄᑦ. ᓴᐃᓃᓯᑎᑐᑦ? ᐊᔪᕐᓇᖏᑦᑐᖅ. ᐅᓛᓵᑎᑐᑦ? ᖃᓄᐃᖏᑦᑐᖅ. ᐃᓄᑦᑎᑐᑦ? ᐃᓄᑦᑎᑐᑦ ᐊᖅᑭᒃᓯᒪᓂᖓ ᑭᒡᒐᖅᑐᐃᔪᑦ "A" ᑎᑭᑦᑐᒍ "Z" ᓇᕿᑦᑕᐅᑎᖓᓂ ᓂᕆᐅᒋᒐᔭᖅᑕᓐᓄᑦ, ᒪᑐᐃᖅᓯᓕᖅᑐᓂ ᐃᓄᑦᑎᑑᖅᑐᓂᑦ, ᓇᕿᒃᓯᒪᓪᓗᒍ Caps Lock ᓇᑭᑦᑕᒐᖓ.

ᐊᑐᖅᑕᐅᓂᐊᖅᑐ 1: ᖃᕋᓴᐅᔭᕐᓄᐊᕐᓗᒍ ᐃᓄᑦᑎᑐᑦ ᓇᕿᑦᑕᕈᓐᓇᐅᑦ: kbdiu.zip.
kbdiu.zip ᐃᓗᓕᖃᖅᑐᖅ kbdiu.exe ᐊᑐᐃᓐᓇᕈᐃᔪᖅ Windows NT, 2000 ᐅᕝᕙᓘᓐᓃᑦ XP ᖃᕋᓴᐅᔭᓄᑦ ᐃᓗᐊᓅᖅᑕᐅᓂᐊᕐᒪᑦ Microsoft ᐃᓄᑦᑎᑐᑦ ᓇᕿᑦᑕᕈᓐᓇᐅᑎᖏᑦ. ᒪᑐᐃᕈᕕᐅᒃ unzip ᐊᒻᒪ ᐊᖏᓪᓕᑎᓪᓗᒍ kbdiu.exe, ᑐᖅᑯᖅᑐᕈᒃ ᖃᕋᓴᐅᔭᕐᓄᑦ ᐊᒻᒪ ᐃᖅᑲᒪᓗᒍ ᓇᒧᓐᖓᕐᒪᖔᐱᐅᒃ ᐊᑐᕆᐊᖃᓂᐊᕋᕕᐅᒃ ᐊᑐᖅᑕᐅᓂᐊᖅᑐᒥ 3.
ᐊᑐᖅᑕᐅᓂᐊᖅᑐ 2: ᐱᒋᐊᕐᓂᖅ ᐋᖅᑭᑦᑕᐅᓂᖓ
ᐱᒋᐊᕐᓂᖅ ᐅᕙᓐᖓᑦ ᐱᓗᒍᖅ. ᒪᑐᐃᕐᓗᒍ (ᐊᖏᓪᓐᓕᑎᓪᓗᒍ) ᐃᓄᑦᑎᑐᑦ ᓇᕿᑦᑕᕈᓐᓇᐅᑎᑦ ᐃᕝᕕᑦ ᖃᕋᓴᐅᔭᖓᓄᑦ ᐊᒻᒪ ᓅᓪᓗᒍ ᓇᕿᑦᑕᕈᓐᓴᐅᑎᒃᑯᕕᖓᓄᑦ - C:\Winnt\fonts (Windows NT and 2000) ᐅᕝᕙᓘᓐᓃᑦ C:\Windows\fonts (Windows XP).
ᐊᑐᖅᑕᐅᓂᐊᖅᑐ 3: ᒪᑐᐃᕐᓗᒍ kbdiu.exe
kbdiu.exe ᐋᖅᑭᒃᓯᔪᖅ ᓇᒦᓐᓂᖏᓐᓂ (ᓇᕿᑦᑕᖅᑕᐅᔪᓐᓇᖅᑐᑦ) ᐱᑕᖃᕆᐊᓖᑦ ᐋᖅᑭᑦᑕᐅᓂᖏᓐᓄᑦ ᐃᓄᑦᑎᑐᑦ ᓇᕿᑦᑕᕈᓐᓇᐅᑏᑦ. ᒪᑐᐃᖅᓯᒪᓕᕈᕕᐅᒃ kbdiu.exe, ᒪᕐᕈᐊᑎᕐᓗᒍ ᓇᕿᓪᓗᒍ ᐊᐅᓚᑦᑕᐅᑎᒋᓂᐊᕐᒪᑦ - ᐊᐅᓚᔾᔪᑎᖃᖅᑐᓴᐅᒻᒪᑦ ᓇᓪᓕᐊᓐᓂᑐᐃᓐᓇᖅ Windows NT ᐅᕝᕙᓘᓐᓃᑦ 2000. ᐊᐅᓚᔾᔪᑎᖃᖅᑎᓪᓗᒍ Windows XP, ᑕᓕᖅᐱᐊᓄᑦ ᓇᕿᓪᓗᒍ ᐊᒻᒪ ᒪᑐᐃᕐᓗᒍ "Properties/Compatibility". ᓂᕈᐊᕐᓗᒍ "Run this program in compatibility mode for Windows 2000". ᓇᕿᓪᓗᒍ OK. ᒪᕐᕈᐊᑎᕐᓗᒍ ᓇᕿᓕᕐᒥᒍᒃ kbdiu.exe ᐋᖅᑭᑦᑕᐅᓂᐊᕐᒪᑦ. ᑖᓐᓇ ᕿᓕᐊᒥᐊᓘᖅᑐᖅ, ᖃᐅᔨᖏᑐᐃᓐᓇᕆᐊᖃᖅᑕᐃᑦ, ᐃᓱᒫᓗᒋᑦᑕᐃᓕᒍᒃ. ᑕᐃᒪᐃᖃᑦᑕᓲᖅ.
ᐊᑐᖅᑕᐅᓂᐊᖅᑐ 4: ᐃᓚᓗᒋᑦ ᐃᓄᑦᑎᑐᑦ ᓇᕿᑦᑕᐅᑎᖓᓄᑦ
ᐊᐅᓚᔾᔪᑎᓕᓐᓄᑦ Windows NT ᐊᒻᒪ 2000 ᖃᕋᓴᐅᔭᓂᑦ ᐊᑐᖅᑐᑦ, ᒪᑐᐃᕐᓗᒍ "Keyboard" control panel (Start/Settings/Control Panel) ᐊᒻᒪ ᓴᖅᑭᑎᓪᓗᒍ "Input locales tab". ᐊᐅᓚᔾᔪᑎᓕᓐᓄᑦ Windows XP-ᒥᑦ, ᒪᑐᐃᕐᓗᒍ "Regional and Language Options" ᐊᐅᓚᑦᑎᔾᔪᑎᖏᓐᓂ ᐊᒻᒪ "Languages"-ᒨᕐᓗᑎᑦ. ᓂᕈᐊᕈᒃ "Details...".
ᓇᕿᓪᓗᒍ "Add"...
ᓂᕈᐊᖅᓯᓗᑎᑦ ᓇᕿᑦᑕᐅᑎᖓᓄᑦ ᐅᖃᐅᓯᕐᒥᑦ - Indonesian ᐊᑐᖃᑦᑕᒐᔪᓲᕗᑦ ᐅᐱᓐᓇᕋᓂ ᑎᑎᕋᖅᓯᒪᓂᖃᕐᒪᑦ "IN". ᓂᖁᐊᕈᒃ Indonesian.
Windows NT ᐊᒻᒪ 2000 ᐊᐅᓚᔾᔪᑎᓖᑦ, ᓇᖀᔾᔮᕐᓗᒍ ᑎᑎᖅᓯᒪᔪᖅ "Use default properties for this input locale". ᓇᕿᓕᕐᒥᓗᒍ OK. ᓴᖅᑭᖅᑐᒥᑦ, ᓂᕈᐊᕈᒃ "Inuktitut Nunacom" ᓇᕿᑦᑕᐅᑎᖓᓄᑦ ᐋᖅᑭᒃᓯᒪᓂᖏᑦ (ᑖᓐᓇ ᓴᖅᑭᖏᒃᑯᓂ, ᖃᒥᑲᐃᓐᓇᕆᐊᖃᑐᐃᓐᓇᖅᑕᐃᖏᑦ ᖃᕆᓴᐅᔭᐃᑦ, ᐊᒻᒪ ᑕᕝᕗᖓ ᐅᑎᕐᓗᑎ). Windows XP ᐊᐅᓚᔾᔪᑎᓖᑦ, ᓇᕿᒍᒃ "Keyboard layout/IME" ᐊᒻᒪ ᓂᕈᐊᕐᓗᒍ "Inuktitut Nunacom" ᓇᕿᑦᑕᐅᑎᐅᑉ ᐋᖅᑭᒃᓯᒪᓂᖓ, ᑭᓇᐅᒐᓗᐊᖅᑯᑎᒃᑭᐊᖅ, "OK" ᐊᓂᓗᑎᑦ ᐊᐅᓚᑦᑎᔾᔪᑎᖏᓐᓂ.
ᐊᑐᖅᑕᐅᓂᐊᖅᑐ 5: ᐱᔪᓐᓇᖅᓯᑎᓪᓗᒍ ᐃᓄᑦᑎᑐᑦ ᓇᕿᑦᑕᕈᓐᓇᕐᓂᖅ
ᐅᕙᓂ ᑭᖑᓪᓕᕐᒥᓗ ᐊᑖᓂ ᑕᓕᖅᐱᐊᓂ ᓇᓗᓇᐃᖅᓯᒪᒋᐊᓕᒃ "EN" (EN ᖃᓪᓗᓈᑎᑐᒧᑦ, ᖃᕋᕕᓴᐅᔭᕕᕝᖅᑲᐃ ᐊᑐᒐᔪᓲᖏᑦ ᐅᖃᐅᓯᖓ). ᑖᓐᓇ ᓇᕿᓪᓗᒍ ᓴᖅᑭᕆᐊᓕᒃ ᓇᓗᓇᐃᖅᓯᔪᖅ ᒫᓐᓇᐅᔪᒥᑦ ᓇᕿᑦᑕᐅᑎᒋᔭᐃᑦ ᐊᒻᒪᓗᑦᑕᐅᖅ ᐊᐃᑉᐸᖓ ᓇᓖᕌᕋᒃᓴᖅ - IN ᐃᓄᑦᑎᒧᑦ ᓇᕿᑦᑕᐅᑎᖓᑕ ᐋᖅᑭᒃᓯᒪᓂᖏᑦ. ᓂᕈᐊᕈᒃ IN. ᓇᕿᑐᐃᓐᓇᕈᓐᓇᖅᑕᑎᑦ Alt + Shift keys ᐊᓯᔾᔨᖃᑦᑕᕐᓗᒍ ᓇᕿᑦᑕᐅᑎᕕᑦ ᖃᓄᐃᑦᑑᓂᖏᑦ. ᑕᐃᒪᓕ ᓇᕿᑐᐃᓐᓇᕆᐊᖃᓕᖅᐸᐃᑦ Caps Lock ᓇᕿᑦᑕᒐᖓ (ᓴᐅᒥᐊᓂ A) ᐊᒻᒪ ᐃᓄᑦᑎᑐᑦ ᓇᕿᑦᑕᕈᓐᓇᖅᓯᑳᓪᓚᑦᑐᑎᑦ, ᐱᒋᐊᓂᕐᒧᑦ. ᐊᒻᒪ ᐃᖅᑲᐅᒪᓂᐊᖅᑯᑎᑦ, ᐱᒋᐊᕐᓂᖅ ᐃᓄᑦᑎᑐᑐᐃᓐᓇᐅᖏᑦᑐᖅ - ᐊᑐᖅᑕᐅᔪᓐᓇᕐᒥᔪᖅᑕᐅᖅ ᖃᓪᓗᓈᑎᑐᑦ A ᑎᑭᑦᑐᒍ Z ᓇᕿᒃᓯᒪᒍᓐᓃᑎᓪᓗᒍ Caps Lock. ᐆᑦᑐᕈᒃ: Caps Lock - ᐃᓄᑦᑎᑐᑦ, Caps Lock Off - ᖃᓪᓗᓈᑎᑐᑦ.

ᐃᓄᑦᑎᑐᑦ ᓇᕿᑦᑕᐅᑎᖏᑦ ᐋᖅᑭᒃᓯᒪᓂᖏᑦ

Inuktitut keyboard layout

ᐊᔾᔨᓐᖑᐊᖅ ᑕᐅᓴᖏᓐᓃᑦᑐᓂᑦ ᐅᖃᐅᓯᖃᕈᓐᓇᖅᑐᖅ, ᑭᓯᐊᐅᓂᓐ ᐱᐅᓛᖑᔪᖅ ᐃᓄᑦᑎᑐᑦ ᓂᐱᑎᒐᖏᑦ ᓇᕿᑦᑕᐅᑎᕕᑦ. ᖃᐅᔨᒋᐊᕐᕕᒋᒍᒃ ᓄᓇᓕᒻᒥ ᐱᔨᑦᑎᖅᑕᓂᑦ ᐅᖃᓕᒫᒐᖃᕐᕕᓕᕆᔨ ᓲ ᒪᒃᐊᐃᓴᒃ () ᖃᓄᖅ ᐱᕕᒃᓴᐅᒻᒪᖔᖅ ᐃᓄᑦᑎᑐᑦ ᓂᕆᑎᒐᕐᓂᑦ ᓇᕿᑦᑕᐅᑎᖓᓄᑦ.

ᐱᒋᐊᕐᓂᖅ Macintosh ᖃᕋᓴᐅᔭᓄᑦ

OS 9-ᒧᑦ ᐊᒻᒪ ᐊᑦᑎᓂᖅᓴᒧᑦ, ᐅᕗᓐᖓᕆᑦ http://www.nunatsiaq.com/download.html. OS X-ᒧᑦ ᐊᑐᖅᑐᑦ, ᒪᓕᒃᑭᑦ ᐊᑖᓃᑦᑐᑦ ᐅᑯᐊ.

ᐊᑐᖅᑕᐅᓂᐊᖅᑐ 1: ᐋᖅᑭᑦᑕᐅᓂᖓ ᐱᒋᐊᕐᓂᖅ
ᐱᒋᐊᕐᓂᖅ ᐅᕙᓐᖓᑦ ᐱᓗᒍ. ᒪᑐᐃᕐᓗᒍ (ᐊᖏᓪᓕᑎᑦᑐᑦ) ᓇᕿᑦᑕᕈᓐᓇᐅᑎᑦ ᖃᕋᓴᐅᔭᕐᓄᑦ ᐊᒻᒪ ᐊᐅᓪᓛᓗᒋᑦ Mac's ᓇᕿᑦᑕᕈᓐᓇᐅᑎᖃᕐᕕᖓᓄᑦ, /Library/Fonts/.
ᐊᑐᖅᑕᐅᓂᐊᖅᑐ 2: ᐃᓚᓗᒋᑦ ᐃᓄᑦᑎᑐᑦ ᓇᕿᑦᑕᐅᑎᖓᓄᑦ
ᐃᓗᐊᓅᕐᓗᒍ ᐊᑖᓂ System Preferences ᖃᕋᓴᐅᔭᖅ Apple (ᖁᓛᓂ ᓴᐅᒥᐊᓂ), ᓂᕈᐊᓕᕐᒥᓗᒍ "International". ᓇᕿᓪᓗᒍ "Input menu". ᕿᓂᕐᓗᑎᑦ ᓇᕿᑦᑕᐅᑎᖓᑕ ᐋᖅᑭᒃᓯᒪᓂᖏᑦ "Inuktitut – Nunavut" iᓇᕿᒃᓯᒪᓗᓂ. ᐊᓂᓗᑎᑦ "Internationl" ᐊᒻᒪ "System Preferences".
ᐊᑐᖅᑕᐅᓂᐊᖅᑐ 3: ᐱᔪᓐᓇᖅᓯᑎᓪᓗᒍ ᐃᓄᑦᑎᑐᑦ ᓇᕿᑦᑕᕈᓐᓇᕐᓂᖅ
ᐱᑕᖃᕆᐊᖃᓕᖅᑐᖅ ᖁᓛᓂ ᓴᐃᒪᑎᓐᖑᐊᒥᑦ ᒫᓐᓇᐅᔪᒥᑦ ᐊᑐᖅᑕᐅᔪᖅ - ᑲᓇᑕᐅᑉ ᓴᐃᒻᒪᑎᓐᖑᐊᖓ ᐅᕝᕙᓘᓐᓃᑦ ᒥᐊᓕᒐᒃᑯᑦ US ᖃᓪᓗᓈᑎᑐᑦ. ᓇᕿᒍᒃ ᓴᐃᒻᒪᑎᓐᖑᐊᖅ ᓇᕿᓪᓗᒍ Inuktitut – Nunavut. ᓇᕿᑐᐃᓐᓇᕆᐊᖃᓕᖅᐸᐃᑦ Caps Lock (ᓴᐅᒥᐊᓂ A) ᐊᒻᒪ ᐃᓄᑦᑎᑐᑦ ᓇᕿᑦᑕᕈᓐᓇᖅᓯᑳᓪᓚᑦᑐᑎᑦ, ᐱᒋᐊᓂᕐᒧᑦ. ᐊᒻᒪ ᐃᖅᑲᐅᒪᓂᐊᖅᑯᑎᑦ, ᐱᒋᐊᕐᓂᖅ ᐃᓄᑦᑎᑐᑐᐃᓐᓇᐅᖏᑦᑐᖅ - ᐊᑐᖅᑕᐅᔪᓐᓇᕐᒥᔪᖅᑕᐅᖅ ᖃᓪᓗᓈᑎᑐᑦ A ᑎᑭᑦᑐᒍ Z ᓇᕿᒃᓯᒪᒍᓐᓃᑎᓪᓗᒍ Caps Lock. ᐆᑦᑐᕈᒃ: Caps Lock - ᐃᓄᑦᑎᑐᑦ, Caps Lock Off - ᖃᓪᓗᓈᑎᑐᑦ.