Partners with Nunavummiut in preserving culture and nurturing literacy.

ᐱᓕᕆᐊᑦ ᐱᔨᑦᑎᑕᓪᓗ: ᐅᖃᓕᒫᒐᖃᕐᕕᓕᕆᔩᑦ ᐊᑐᖅᑐᐊᖃᑎᒋᓐᓂᖏᑦ

ᐱᓯᒪᖏᑯᑦᑎᒍᑦ, ᐃᓕᓐᓄᑦ ᐱᓇᓱᐊᕈᓐᓇᖅᑕᕗᑦ!

ᐅᖃᓕᒫᒐᖃᕐᕕᓯ ᐱᑕᖃᖏᑉᐸᑕ ᐱᔪᒪᔭᕐᓂᑦ, ᐊᑐᖅᑐᐊᕈᓐᓇᓲᖑᔪᒍᑦ ᐊᓯᖏᓐᓂ ᐅᖃᓕᒫᒐᖃᕐᕕᓂᑦ ᓄᓇᕗᒻᒥ, ᓄᓇᑦᓯᐊᒥ ᐅᖃᓕᒫᒐᖃᕐᕕᓕᕆᔨᖏᓐᓂᑦ, ᐅᕝᕙᓘᓐᓃᑦ ᐅᖃᓕᒫᒐᖃᕐᕕᓂᑦ ᖃᓪᓗᓈᓂᑦ ᑲᓇᑕᒥ. ᐱᔭᐅᔪᒪᔪᑦ ᓴᖅᑭᖅᑎᑕᐅᓯᒪᒍᓂ ᐊᕐᕋᒍ ᐃᓗᐊᓂ, NPLS-ᑯᑦ ᓂᐅᕕᕈᒪᑐᐃᓐᓇᕆᐊᖃᖅᑕᓂᑦ.

ᐊᐱᖅᑯᑕᐅᒐᔪᓲᑦ

ᐅᖃᓕᒫᒐᖃᕐᕕᐅᔪᖅ ᓱᓇᑐᐃᓐᓇᕐᒥᑦ ᐱᔪᓐᓇᖅᐹ?
ᑲᔪᓯᑦᑎᐊᖃᑦᑕᕐᓂᕗᑦ ᖁᕙᓯᒃᑲᓗᐊᖅᑎᓪᓗᒍ, ᐱᔪᓐᓇᖃᑦᑕᖏᑦᑐᒍᑦ ᐃᓚᖏᓐᓂ ᐱᔨᑦᑎᖅᑕᑎᓐᓄᑦ. ᑖᒃᑯᐊ ᐱᖃᓯᐅᔾᔨᔪᖅ ᓂᐱᓄᑦ-ᐊᔾᔨᓄᑦ ᓱᓇᒃᑯᑖᖅ (ᑕᕐᕆᔮᒃᓴᐃᑦ, ᓂᐱᔅᓴᐃᑦ, ᕿᓪᓕᖅᑐᐃᑦ) ᓯᓚᑖᓂ ᓄᓇᕗᑦ ᐊᒻᒪ ᓄᓇᑦᓯᐊᖅ, ᐅᖃᓕᒫᒐᐃᑦ ᖃᐅᔨᒋᐊᕐᕕᒋᖃᑦᑕᖅᑕᖏᑦ ᓄᓇᓕᒻᒥᓂ ᐅᖃᓕᒫᒐᖃᕐᕕᒻᒥ, ᐊᒻᒪ ᐅᖃᓕᒫᒐᐃᑦ ᑲᓇᑕᒥ ᐱᑕᖃᖏᑦᑐᑦ ᑲᓇᑕᒥ ᐅᖃᓕᒫᒐᖃᕐᕕᒃᔪᐊᒥᑦ ᖃᕋᓴᐅᔭᖏᑦᑎᒍᑦ.
ᖃᓄᖅ ᐱᓇᓱᐊᕈᓐᓇᖅᐳᖓ ᐅᖃᓕᒫᒐᖃᕐᕖᑦ ᐊᑐᖅᑐᐊᖃᖅᑕᐅᑎᓂᖏᓐᓄᑦ?
ᓄᓇᓕᒻᒦᒃᑯᕕᑦ ᐅᖃᓕᒫᒐᖃᕐᕕᓕᒻᒥᑦ, ᐅᖃᓕᒫᒐᖃᕐᕕᒻᒧᐊᕆᑦ ᐊᒻᒪ ᑐᓂᓯᓗᒋᑦ ᑐᑭᓯᒋᐊᕈᑎᓂᑦ ᐱᔪᒪᔭᕐᓂᑦ ᐅᖃᓕᒫᒐᖃᕐᕕᓕᕆᔨᓐᓄᑦ. ᐱᒻᒪᕆᐅᔪᑦ ᑐᑭᓯᒋᐊᕈᑎᒃᓴᐃᑦ:
  • ᑎᑎᕋᖅᑐᖅ
  • ᐊᑎᖓ
  • ᓴᖅᑭᖅᑎᑕᐅᓂᖓ ᓇᓗᓇᐃᔭᖅᓯᒪᓂᖏᑦ: ᐅᓪᓗᖓ, ᓴᖅᑭᑎᑦᑎᔪᖅ, ᓇᓪᓕᐊᖑᓂᖓ
ᓄᓇᓕᒻᒥ ᐅᖃᓕᒫᒐᖃᕐᕕᓕᕆᔨ ᖃᐅᔨᒋᐊᖅᕕᐅᒋᐊᖃᖅᑐᓂᑦ ᖃᐅᔨᒋᐊᓂᐊᖅᑐᖅ ᐋᖅᑭᒃᓯᓗᑎ ᐅᖃᓕᒫᒐᖃᕐᕖᑦ ᐊᑐᖅᑐᐊᖃᑦᑕᐅᑎᓂᖏᓐᓂᑦ. ᐱᖓᓱᓂ ᐱᔪᒪᔪᓐᓇᖅᑐᑎᑦ ᐊᑕᐅᓯᐊᕐᓗᑎᑦ.
ᓇᓗᓇᐃᕈᑦ: ᓄᓇᓕᒻᒦᒃᑯᕕᑦ ᐅᖃᓕᒫᒐᖃᕐᕕᖃᖏᑦᑐᒥᑦ, ᐊᑎᓕᐅᕆᐊᖃᑐᐃᓐᓇᕆᐊᖃᖅᑐᑎᑦ ᐊᑐᖅᑐᐊᖅᑎᐅᓗᑎᑦ ᑎᑎᖅᑲᓂᐊᕐᕕᒃᑯᑎᒍᑦ. ᐊᑎᓕᐅᖅᓯᒪᓕᕈᕕᑦ, ᑐᓂᔪᓐᓇᖅᑕᐃᑦ ᐱᔪᒪᔭᑎᑦ ᓯᐅᕋ ᓯᕘᒐ ᓄᓇᕗᒻᒥ ᐅᖃᓕᒫᒐᖃᕐᕕᓕᕆᔨᒃᑯᓐᓂ ᐊᖏᔪᖅᑳᑕᖅᕕᖓ ᖃᒪᓂ'ᑐᐊᕐᒥ.
ᐅᖄᓚᐅᑎᖓ: 867-973-3351
ᓱᑲᔪᒃᑯᑦ: 867-973-3360
ᖃᕋᓴᐅᔭᒃᑯᑦ:
ᑖᓐᓇ ᐊᑭᖃᖅᐸ ᐱᔨᑦᑎᕈᑎᐅᔪᑦ?
ᐊᔾᔨᒋᔭᖓᑎᑐᑦ ᐅᖃᓕᒫᒐᖃᕐᕕᓕᒫᑦ ᓄᓇᕗᒻᒥ, ᑖᓐᓇ ᐱᔨᑦᑎᖅᑕᐅᔪᖅ ᐊᑭᖃᖏᑦᑐᖅ ᐊᑐᖅᑐᒧᑦ. ᓄᓇᕗᒻᒥ ᐅᖃᓕᒫᒐᖃᕐᕕᓕᕆᔩᑦ ᐊᑭᓖᑎᑦᑎᖃᑦᑕᖏᒃᑲᓗᐊᖅᑎᓪᓗᒋᑦ ᑖᒃᓱᒥᖓ ᐱᔨᑦᑎᕈᑎᐅᔪᒥᑦ, ᐃᓚᖏᑦ ᐊᑭᓕᕆᐊᓖᑦ ᓴᖅᑭᐸᑦᑐᑦ. ᐱᔪᒪᔭᐅᔪᑦ ᓄᓇᕗᒻᒥ ᒥᑭᓛᕆᒋᐊᖃᖅᑕᖓ ᐃᑲᕋ ᐊᑕᐅᓯᖅ ᐃᖅᑲᓇᐃᔭᖅᑎᒧᑦ ᐊᒻᒪ ᖃᖓᑦᑕᐅᑎᖓ. ᐊᑭᓕᕆᐊᓖᑦ ᐅᖓᑖᓂ $10 ᐊᑭᓕᕆᐊᓕᒃ ᐊᑐᖅᑐᐊᑎᑦᑎᔪᖅ ᐅᖃᓕᒫᒐᖃᕐᕕᒃ ᐊᑐᖅᑐᐊᖅᑐᒨᖅᑕᐅᓂᐊᖅᑐᖅ. ᐊᑐᖅᑐᐊᖅᑐᑦ ᐊᑭᓕᒃᓴᓖᑦ ᐅᕝᕙᓘᓐᓃᑦ ᑭᖑᕕᕈᑎᖏᓐᓄᑦ ᐊᑭᓕᕆᐊᓖᑦ ᔭᒐᑕᒥᓂᕐᓄᑦ ᑐᓂᔭᐅᓂᐊᖅᑐᑦ ᐊᑐᖅᑐᐊᖅᑐᒧᑦ. ᐊᑐᖅᑐᐊᖅᑐᑦ ᐊᑭᓕᒃᓴᓖᑦ ᐊᑐᕈᓐᓇᐅᑎᖏᑦ ᓄᖅᑲᖅᑎᑕᐅᔪᓐᓇᖅᑐᑦ ᓄᓇᕗᒻᒥ ᐅᖃᓕᒫᒐᖃᕐᕕᓕᕆᔩᑦ ᐅᖃᓕᒫᒐᖃᕐᕕᓕᒫᖏᓐᓂ. ᐅᖃᓕᒫᒐᖃᕐᕕᓂᑦ ᐊᑐᖅᑐᐊᖃᑦᑕᐅᑎᓂᖅ ᐊᑐᖅᑐᐊᖅᑕᐅᔪᑦ ᔭᒐᑕᐅᑉᐸᑕ ᐅᕝᕙᓘᓐᓃᑦ ᓱᕋᑦᑕᐅᑉᐸᑕ, ᐊᑭᓖᖁᔨᓂᐊᖅᑐᒍᑦ ᑯᖏᕐᕕᕈᑎᖓᓄᑦ ᐊᑐᖅᑐᐊᑎᑦᑎᔪᒧᑦ ᐅᖃᓕᒫᒐᖃᕐᕕᒧᑦ.
ᖃᓄᑎᒋ ᐊᑯᓂᐅᓂᖃᖅᑲ?
ᐊᑯᓂᐅᓂᖃᕈᓐᓇᖅᑐᖅ ᖁᓕᓂᑦ ᐅᓪᓗᓂᑦ ᐱᖓᓱᓄᑦ ᑕᖅᑭᓄᑦ ᐱᔪᒪᔭᐃᑦ ᐱᓂᐊᕈᕕᐅᒃ, ᑐᓐᖓᓂᖃᖅᑐᖅ ᓇᑭᑦ ᐱᔭᐅᔪᒪᒻᒪᖔᖅ ᐊᒻᒪ ᓇᒦᒻᒪᖔᖅᐱᑦ, ᐅᖃᓕᒫᒐᖃᕐᕖᑦ ᐊᑐᖅᑐᐊᖃᑦᑕᐅᑎᓂᖏᑦ ᑎᑎᖅᑲᓂᐊᖅᕕᑰᕐᒪᑕ. ᐃᓚᖏᑦ ᐅᖃᓕᒫᒐᖃᕐᕖᑦ ᐊᑐᖅᑐᐊᖃᑦᑕᐅᑎᓂᖏᑦ ᑎᑭᒐᔪᓲᑦ 6-ᓂ ᐱᓇᓱᐊᕈᓯᕐᓂᑦ. ᐱᔪᒪᒐᐃᒐᕕᑦ, ᐅᕙᑦᑎᓐᓂ ᖃᐅᔨᒃᑲᐃᓂᐊᖅᐳᑎ ᐅᓕᓗᖓ ᖄᖏᖅᓯᒪᓕᖅᑎᓪᓗᒍ ᐊᑑᑎᖃᔾᔮᖏᑉᐸᑦ.
ᖃᓄᖅ ᖃᐅᔨᒐᔭᖅᐳᖓ ᑎᑭᒻᒪᖔᖅ?
ᓄᓇᓕᒻᒦᒃᑯᕕᑦ ᐅᖃᓕᒫᒐᖃᕐᕕᓕᒻᒥᑦ, ᐅᖃᓕᒫᒐᖃᕐᕕᓕᕆᔨ ᐃᓕᓐᓂᓐ ᖃᐅᔨᒃᑲᐃᓂᐊᖅᑐᖅ, ᐊᒻᒪ ᐱᔪᒪᓯᒪᔭᐃᑦ ᐱᔪᓐᓇᓂᐊᖅᑕᐃᑦ ᐅᖃᓕᒫᒐᖃᐅᕐᕕᐅᑉ ᐃᑲᕋᖏᓐᓂ ᒪᑐᐃᖓᓂᕆᕙᑦᑕᖏᓐᓂ. ᐊᑐᖅᑐᐊᖅᑎᐅᒍᕕᑦ ᑎᑎᖅᑲᓂᐊᕐᕕᒃᑯᑎᒍᑦ, ᑎᑎᖃᓂᐊᕐᕕᒃᑯᑦ ᐃᓕᓐᓅᖅᑕᐅᓂᐊᖅᑐᖅ, ᐅᑎᐅᑎᖓᓂ ᑐᕌᕈᑎᖃᓪᓗᓂ ᐃᓕᓐᓄᑦ ᐊᑭᖃᖏᓪᓗᓂ.
ᖃᓄᑎᒋ ᐊᑯᓂᐅᔪᖅ ᐱᓯᒪᒍᓐᓇᖃᒃᑲ?
ᐊᑯᓂᐅᓂᖓ ᐊᑐᖅᑐᐊᖅᑕᐅᓂᖓ ᑐᓐᖓᓂᖃᓂᐊᖅᑐᖅ ᐅᖃᓕᒫᒐᖃᕐᑯᒃ ᐊᑐᖅᑐᐊᑎᑦᑎᔪᖅ ᐊᒻᒪ ᖃᓄᑎᒋ ᑎᑎᖅᑲᓂᐊᕐᕕᒦᒃᓯᒪᒻᒪᖔᑦ. ᐅᑎᖅᑎᑕᐅᕕᒃᓴᖓ ᐅᓪᓗᖓ ᓇᓗᓇᐃᖅᓯᒪᑦᑎᐊᓂᐊᖅᑐᖅ ᐅᖃᓕᒫᒐᖃᕐᕕᓕᕆᔨᒧᑦ ᐅᕝᕙᓘᓐᓃᑦ ᐅᓪᓗᖓ ᑎᑎᖅᑲᓂᐊᕐᕕᑰᕐᓂᕈᓂ. ᐊᑯᓂᐅᓂᖅᓴᖅ ᐱᓯᒪᔪᒪᒍᕕᐅᒃ, ᖃᐅᔨᒋᐊᕐᕕᒋᒍᒃ ᐅᖃᓕᒫᒐᖃᕐᕕᓕᕆᔨ, ᖃᒪᓂ'ᑐᐊᖅ ᐊᓪᓚᕕᖓᓘᓐᓃᑦ ᐊᑐᖅᑐᐊᖅᑎᐅᒍᕕᑦ ᑎᑎᖅᑲᒃᑯᑦ, ᑐᑭᓯᒋᐊᒃᑲᓐᓂᕈᒪᒍᕕᑦ ᐅᓪᓗ ᐅᖓᕙᕆᐊᖅᑕᐅᑎᓪᓗᒍ. ᐱᒻᒪᕆᐅᔪᖅ ᐅᑎᖅᑎᑕᐅᓗᑎᑦ ᐅᑎᖅᑎᑕᐅᕕᒃᓴᖓᓂᑦ. ᓄᓇᕗᒻᒥ ᐅᖃᓕᒫᒐᖃᕐᕕᓕᕆᔩᑦ ᐱᓯᒪᒻᒪᑕ ᐱᔪᒪᓯᒪᔭᕐᓂᑦ. ᐅᑎᖅᑎᒍᓐᓇᖏᒃᑯᑦᑎᒍ ᐅᑎᖅᑎᑕᐅᕕᒃᓴᖓᓂᑦ, ᐊᑭᓖᑎᑕᐅᔪᓐᓇᖅᑐᒍᑦ ᐊᒻᒪ ᐊᑐᖅᑐᐊᖅᑎᑕᐅᔪᓐᓇᐃᓕᑎᑕᐅᓗᑕ.